कुपी
तसा तुझा माझा सहवास थोडाच
तसा तुझा माझा सहवास थोडाच
तरीही तुझं मिस्कील हसणं
तुझं निश्चयानं बोलणं
तुझं हळुवार बघणं
समजावून सांगणं
तुझं रुसणं रागावणं
सर कसं एखाद्या सुगंधी स्मृतीच्या
कुपीत जपून ठेवल्यासारखं
मनाला ओढ लावणारं
हुरहूर लावणारं
परवा अगदी अनवधानानं ती कुपी
उघडली गेली आणि त्यातून
असंख्य सुगंधी आठवणी दरवळल्या
तू थट्टा करणार
माझ्या हहळवेपणची प्रेमाची !
पण मी प्रेमवेडी राधा होऊन ती
कुपी जपली म्हणून तर आज केवळ
माझ्यासाठीच नव्हे तर तुलाही
पूर्वीच अस्तित्व सापडण्यासाठी
उपयोगी पडली
तेव्हाचे तुझे बोल
अजून माझ्या मनात रेंगाळतात
पप्रत्येक आठवणी जपशील
तर त्याच निर्माल्य होईल
तेव्हा मी म्हटलं
झाड जसं प्रत्येक फुलाचं
उमलण , फुलणं , गळणं बघतं
बाहेर येताच पुन्हा नव्याने बहरतं
तसच तुझ्या माझ्या आठवणीचं नातं
सहवासाचा सुगंध दरवाळताच
मनाला उभारी देणारं , फुलवणार,
यावर फक्त तू मनापासून हसलास
तुझं ते हास्य
अजून माझ्या कानात घुमत
आणि निघून गेलास
माझी नजर चुकवून
नेहमीच हार न मानण्याची
तुझी वृत्ती, तुझा अहंकार
हा मी देखील जपला केवळ तुझ्यासाठी
पण तू एकदाही हार मनाली नाहीस माझ्यासाठी
आज जातानाचे तुझे गढूळलेले डोळे
झुकलेली नजर, टेबलावर वाजणारी अस्वस्थ बोटं
खूपसं काही सांगून गेली
तू मानलं नाहीस पण
तुझी हार मात्र जाणवून गेली
Comments
Post a Comment